Если я говорю языками человеческими и ангельскими, а любви не имею, то я - медь звенящая или кимвал звучащий
(1Кор.13:1)

АКАФИСТ СВЕТОБОЖЕСТВЕННОМУ ПРЕОБРАЖЕНИЮ ГОСПОДНЮ

Из похвальных слов Святых Отцов Церкви архиепископом Сумским и Ахтырским Ионафаном (Елецких) сложенный

Архиепископ Сумской и Ахтырский Ионафан (Елецких)

 

 О СПАСЕНИИ ЧЕРЕЗ ОБОЖЕНИЕ ЧЕЛОВЕКА 

Православная Церковь верует и исповедует, что сущность Божия невидима и непостижима, но Бог открывается и сообщается миру посредством Своих нетварных божественных энергий – благодати.

Во Христе Иисусе Бог стал Человеком, чтобы каждый человек стал Богом,  - писал святитель Иоанн Златоуст. По святому Анастасию Синаиту, «всесвятое тело Христа мы называем божественным и пречистую Его душу собожественной, и все, что свойственно душе – божественным и богопричастным».

Призвание человека – быть христоподобным через подвиг стяжания божественной благодати, явление которой монахи-исихасты и святые зрели как нетварный Фаворский Свет.

Богословие именует усвоение человеком благодати спасением, преображением или обожением. «Сподобиться этого и испытать это никто не может, если прежде не соединится с Духом Святым, стяжав наперёд трудами и потами сердце чистое, простое и сокрушенное», - учит преподобный Симеон, Новый Богослов.

В своём духовном возрастании человек уподобляется первообразу – Богу. Мир его души все больше становится Царством Божиим, «свет, который в нем» (Мф. 6,23) постепенно приближается к Фаворскому сиянию, которое первыми сподобились видеть св. Апостолы, - сиянию, исходящему от богоносной и преображенной Плоти Христа Спасителя.

Настоящий акафист иконе Преображения Господня на горе Фавор, творения архиепископа Сумского и Ахтырского Ионафана (Елецких), составлен на основании похвальных слов Святых Отцов Церкви и имеет своей целью воспеть Славу Его Божества, которая, по святому Григорию Паламе, «была скрыта под Телом, кое Он от нас и ради нас воспринял, а теперь она скрывается на Небе в Отце с богопричастною плотию».

Ибо един Свят, един Господь Иисус Христос во Славу Бога Отца. Аминь.

+ Ионафан, архиепископ Сумской и Ахтырский

+++

АКАФИСТ СВЕТОБОЖЕСТВЕННОМУ ПРЕОБРАЖЕНИЮ ГОСПОДА БОГА И СПАСА НАШЕГО ИИСУСА ХРИСТА, СЛОЖЕННЫЙ ИЗ ВЕЛИЧАЛЬНЫХ СЛОВ СВЯТЫХ ОТЦОВ АРХИЕПИСКОПОМ СУМСКИМ И АХТЫРСКИМ ИОНАФАНОМ

Кондак 1. Глас 8.

Избранный от Лиц Пресвятыя Троицы и Сын Единородный,/ Иже от Отца на Фаворстей горе плотию Своею преобразивыйся / и из нея Лучи Божества Своего иливающий, / сущия во тьме и сени смертныя обожающе. / Емуже, поклоняяся, со умилением взываем: / Иисусе Светодавче, Боже наш, да возсияет и нам, грешным, Свет Твой Присносущный.

 

Икос 1

Ангел Совета Превечнаго по днех шести на горе Фаворстей преобразися Плотию Своею пред ученики и апостолы, Славу Божества Своего показующе. Мы же, икону Преображения зряще и с любовию ю лобызающе, со страхом взываем Ему таковая:

 

- Иисусе, яко Человек,  во вертепе малом родивыйся,

- Иисусе, яко Бог,  во Славе Отца пребывающий,

- Иисусе, яко Человек,  во чреве Девы носимый,

- Иисусе, яко Бог,  всему миру Светом благодати возсиявый,

- Иисусе, яко Человек,  пеленами повиваемый,

- Иисусе, яко Бог,  одеваяй небо облаки.

- Иисусе, яко Человек,  в яслех полагаемый,

- Иисусе, яко Бог,  в сонмах ангельских почиваемый.

Иисусе Светодавче, Боже наш, да возсияет и нам, грешным, Свет Твой присносущный.

 

Кондак 2

Неприступный и неприкосновенный Божеством Сын Единородный, Иже есть сияние Ипостаси Отчей, к Фаворстей горе приступает и прикосновен Плотию бывает. Егоже невещественный Свет благодати ангели со апостолы и пророки зряще, в ликовании взывают: Аллилуя.

 

Икос 2

Кого глаголют Мя человецы? – вопроси Господь ученики Своя. Ты еси Христос, Сын Бога Живаго, - отвеща Симон, емуже Бог Небесный откры тайну сию, Каменеем веры церковныя нарекающее. Темже и нас Христе, утверди на камени исповедания Петрова, да просвещении Духом воззовем таковыя:

- Иисусе, яко Человек,  плоть носивый,

- Иисусе, яко Бог,  звезде шествовати повелевый,

- Иисусе, яко Человек,  от Симеона на руках носимый,

- Иисусе, яко Бог,  молитву его приемый,

-  Иисусе, яко Человек,  обрезание претерпевый,

- Иисусе, яко Бог,  обрезати сердца от грехов повелевый,

- Иисусе, яко Человек,  алкати изволивый,

- Иисусе, яко Бог,  Духом Церковь Свою исполнивый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 3

Сретошася на горе Фаворстей пророцы и апостоли, взирающе на Владыку своего и законодателя, из плоти Свет Божества им подающего. Сего ради Моисей и Илиа, со Петром, Иаковом и Иоанном согласно взываху Жизнодавцу: Аллилуя.

 

Икос 3

Сына Марии исперва видяху во Христе апостоли, обаче Сына Божьего на Фаворе проразумеша, нетварным и неизреченным Светом Божества осияни быша. Мы же, святым крещением просвещени, взываем Ему таковая:

- Иисусе, яко Человек,  плотию возраставый,

- Иисусе, яко Бог,  разумение Закона книжником открывый,

- Иисусе, яко Человек,  во Египет бежавый,

- Иисусе, яко Бог,  чинами ангельскими дориносимый;

- Иисусе, яко Человек,  от Ирода гнаный,

- Иисусе, яко Бог,  от Отца в Назарет воззванный,

- Иисусе, яко Человек,  сорок дней в пустыне постивыйся,

- Иисусе, яко Бог, , Хлеб Жизни с Небесе предложивый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 4

Ныне прослави Мя Отче, Твоею Славою, юже у Тебе прежде мира бысть, - тако молися Господь, вольное Свое страдание предваряюще. Сию Славу видеша апостоли, зрящее Лице Спасово, яко молнию, и ризы белы, яко снег. Темже убели Христе, Светом Божества Твоего души наша, да чистым сердцем воззовем Тебе: Аллилуя.

 

Икос 4

Господи, добро нам зде быти, - рече Петр, зряще красоту Божественныя Светлости. Ныне же токи благодати от иконы Преображения приемлюще, мним ся бытии на Фаворе горнем, вопия таковая:

- Иисусе, яко Человек,  по днех пощения взалкавый,

- Иисусе, яко Бог,  Словом Своим диавола обличивый,

- Иисусе, яко Человек,  пять хлебов державый,

- Иисусе, яко Бог,  пять тысящ людей ими насытивый,

- Иисусе, яко Человек,  класы жита срывати попустивый,

- Иисусе, яко Бог,  господином субботы Ся явивый,

- Иисусе, яко Человек,  на кораблеце уснувый,

- Иисусе, яко Бог,  бурю морскую укротивый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 5

Бурю внутрь испыташа апостоли, егда видеша Учителя своего во светлости Божественней на Фаворе сияюща и глас от Отце слышаще свидетельствующь, яко воистину Христос Господь и Бог есть. Ему же возопиша: Аллилуя.

 

Икос 5

Сей есть Сын Мой возлюбленный, Того послушайте, - се глас Отца от Облака светла принеся апостолом. С ними же и мы гласом сим уверишася, яко Отец – Свет, Сын – Свет и Дух Святый – Свет Присносущный, зовем Воплощенному Свету – Христу таковая:

- Иисусе, яко Человек,  с фарисеом в дому его пребывый,

- Иисусе, яко Бог,  грешнице грехи отпустивый,

- Иисусе, яко Человек,  от земли врачевство сотворивый.

- Иисусе, яко Бог,  очи слепаго исцеливый,

- Иисусе, яко Человек,  драхму за Себе Царю давый,

- Иисусе, яко Бог,  род человеческий Кровию искупивый.

- Иисусе, яко Человек,  жажду на Кресте испытавый,

- Иисусе, яко Бог,  Кровь свою, яко воду Жизни всему миру подавый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 6

Днесь света неприступнаго бездна является, днесь сияние Света Божественнаго и излияние Безпредельнаго на горе Фаворстей апостоли зряху, вопия Богу: Аллилуя.

 

Икос 6

Страхом велим вострепета земля, слышащее глагол Божий. Апостоли же падоша низу, не могуще вместити Славы Божественныя. Емуже со страхом вернии вопиют таковая:

- Иисусе, яко Человек,  на Фавор возшедый,

- Иисусе, яко Бог,  плотию преобразитися на горе изволивый,

- Иисусе, яко Человек,  под законом Моисеевым бывый,

- Иисусе, яко Бог,  во втором Пришествии - Судия всех,

- Иисусе, яко Человек,  миро от Марии на нозе приемый,

- Иисусе, яко Бог,  Духа на главы апостолов низпославый,

- Иисусе, яко Человек,  о Лазаре четвертодневнем плакавый,

- Иисусе, яко Бог,  его словом Своим воскресивый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 7

Мудрецы суемудрении немощствуют о Тебе, Слове Божий, егда глаголати им о преславных Твоего преображения таинствах: осиянныя бо Светом Божества апостоли обожаются и сопричастницы ипостаснаго Светолития бывают, светила же церковная являются, вопиюще Богу: Аллилуя.

 

Икос 7

Се, Спаситель наш, - тако восклицаше вслух учеником Моисей и Илна на горе Фаворстей, - се Христос, Егоже возвещахом древле Бога Истиннаго. Сего ради и мы, грешнии, глаголем Ему таковая:

- Иисусе, яко Человек,  осанну детей приемый,

- Иисусе, яко Бог, , одесную Отца седящий,

- Иисусе, яко Человек,  нозе учеником умывый,

- Иисусе, яко Бог,  сие творити апостолам заповедавый,

- Иисусе, яко Человек,  пасху ясти изволивый,

- Иисусе, яко Бог,  Плоть Свою в снедь предложивый,

- Иисусе, яко Человек,  в солило руку с Иудою омочивый,

- Иисусе, яко Бог,  лукавство его обличивый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 8

Сотворим зде три сени: Тебе едину, Моисею едину и едину Илии, - глагола Петр Господу, не хотяще идти долу с горы, идеже облак светел осени апостолы. Обаче рцы, о Петре, кто постраждет, тогда за нас? Или кто даст руце и нозе Свои на пропятие? И кто возопиет Воскресшему тридневно песнь: Аллилуя?

 

Икос 8

Внидем дерзостно внутрь облака Фаворскаго, о горнем помышляюще, земных же отрекшеся. Да во Свете Божественнем ходяще и богосолнечную зарю пакибытия будущаго века предзряще, возопим Христу – Каменю на горнем камени стоящу, таковая:

- Иисусе, яко Человек,  в Гефсимании взятый,

- Иисусе, яко Бог,  воинов словом повергнувый,

- Иисусе, яко Человек,  заушение претерпевый,

- Иисусе, яко Бог,  урезанное ухо раба исцеливый,

- Иисусе, яко Человек,  заплевания приемый,

- Иисусе, яко Бог,  в Духа вдунувый,

- Иисусе, яко Человек,  Пилату отвещававый,

- Иисусе, яко Бог, Судией ему по смерти его ставый!

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 9

На горе Синайстей явился Бог Моисею иногда, глаголя: да не зрит человек Лице Мое, и живым не будет. Ныне же Лицем к лицу явися Христос Бог, и от апостолов, во Свете Лица Его ходящих, слышит песнь: Аллилуя.

 

Икос 9

Книги разгибаемыя и престол уготованный, и небо свиваемо, яко свиток, и мертвые восстающия узреша ученицы на горе Фаворстей во образ будущаго Царствия и пришествия Христова. Сего ради, якоже блаженный Андрей Синаит изьясняет, падше апостоли на лицы своя со трепетом, не могуще взирати, яко смертным на безсмертная. Темже, со страхом иконе Преображения Спасова предстояще, вопием Спасителю всех таковая:

- Иисусе, яко Человек,  от воин риз совлекшийся,

- Иисусе, яко Бог,  солнце при Кресте затмивый,

- Иисусе, яко Человек,  гвоздьми пронзенный,

- Иисусе, яко Бог,  основания земли поколебавый,

- Иисусе, яко Человек,  копием прободенный,

- Иисусе, яко Бог,  гробы святых отверзый,

- Иисусе, яко Человек, , вскую Мя оставил еси, возопивый,

- Иисусе, яко Бог,  Дух Свой Отцу предавый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 10

Никому же поведите видения сия, заповеда Христос учеником, дондеже Сын Человеческий из мертвых воскреснет. Да поманут Его, Моисеови глаголюща: тако просветятся праведницы и преобразятся в зрак Мой и в Свет Моего Блаженства, якоже быти им сообразными и сопрестольными Мне, вопиющими Богу: Аллилуя.

 

Икос 10

Яко раби предсташа на горе Фаворстей Моисей и Илиа Господу Своему, Светом нетварным неизреченно облистающа, свидетельствующе Владыку мертвых и живых, Воскресение же утверждающе. Мы же иконе Преображения предстоящее, взываем таковая:

- Иисусе, яко Человек,  на древо вознесенный,

- Иисусе, яко Бог,  распеншым вину отпустивый,

- Иисусе, яко Человек,  посреде разбойники распятый,

- Иисусе, яко Бог,  рая двери единому от них отверзый,

- Иисусе, яко Человек,  оцет и желчь вкусивый,

- Иисусе, яко Бог,  вереи адовы сокрушивый,

- Иисусе, яко Человек,  ароматами помазаный,

- Иисусе, яко Бог, тридневно от гроба возставый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 11

Да сойдутся днесь к горе Фаворстей все горы на божественное поклонение: горы араратския и горы синайския, горы северныя и южныя, горы ливанския и иорданския, и да преклонят главы своя Солнцу Правды – Христу Богу нашему, поюще Ему: Аллилуя.

 

Икос 11

Днесь светло торжествует Церковь Православная о святем Преображении Господа и Бога своего, восходит бо ко Свету Безначальному, богопричастницы достойныя соделывающе, вопиюще таковая:

- Иисусе, яко Человек,  во гроб положений,

- Иисусе, яко Бог,  на небеса возшедый,

- Иисусе, яко Человек,  тридневно плотски уснувый,

- Иисусе, яко Бог,  в раи со Отцем и Духом пребывый,

- Иисусе, яко Человек,  от воин во гробе хранимый,

- Иисусе, яко Бог,  ангелом камень отвалити повелевый,

- Иисусе, яко Человек,  апостолом по воскресении явивыйся,

- Иисусе, яко Бог, Евангелие проповедати им повелевый.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 12

Днесь веселится всесвятая гора Фаворская, идеже пречистии нозе Христове стояше. Днесь Церковь Бога плотию преобразившегося величает: радуйся, одушевленная Горо – Марие Богородительнице, от Неяже Камень нерукосечный отсечеся. Радуйся Илие, постников и девственников жительство, вкупе с Моисеем скрижали Завета Новаго на Фаворе узревый, со апостолы же взывающия: Аллилуя.

 

Икос 12

На реце Иорданстей Богоявление бысть преславное иногда. На Фаворстей же горе паки Тройческое видение бысть: Отец бо гласом свидетельствова и Дух Святый во образе Облака светла бывает, и Сын, Сый в недре Отчем, Светоносен во плоти пред ученики показался. Емуже зовем таковая:

- Иисусе, яко Человек,  Фоме язвы гвоздинные показавый,

- Иисусе, яко Бог,  уверение его приемый,

- Иисусе, яко Человек,  при море Твиреадстем рыбы вкусивый,

- Иисусе, яко Бог,  ученики ловцами человеков соделавый,

- Иисусе, яко Человек,  перстами землю при вознесении благословивый,

- Иисусе, яко Бог,  крестити вся народы ея повелевый,

- Иисусе, яко Человек,  плотию на небесех пребывающий.

- Иисусе, яко Бог,  с человечеством ипостасно соединенный.

Иисусе Светодавче, Боже наш, да возсияет и нам, грешным, Свет Твой Присносущный.

 

Кондак 13

(читается трижды)

Всесвятый Господи, Спасителю и Боже наш! Ты благоволил еси на Фаворскую гору взыти со ученики и апостолы и тамо преобразитися пред ними плотию Своею, тайны исхода и последнего Суда Своего открывающе и неизреченным Светом благодати обожающе. Просвети и нас, грешных, Светом Лица Твоего, ум наш горе возвышающе. Да пребудем сродницы Твои не токмо по плоти, но и по благодати Божества Твоего. И да сподобимся, якоже Илиа и Моисей, со апостолы и всеми святыми, зрети Свет Славы Божества Твоего во Царствии Небеснем, поющее песнь: Аллилуя.

Затем чтется Икос 1 и Кондак 1

МОЛИТВА

О Сыне Единородный и Слове Божий, Господи Иисусе Христе, Спасителю наш, изволивый на Фаворстей горе явити светоизлиянное Божество Свое пред ученики и апостолы Своими. Благодарим Тя за велие человеколюбие Твое и любовь Твою к роду человеческому, егоже ради спасения Ты сошел в мир сей, образ Человечь приемше и вся испытавшее даже до смерти крестныя, дыбы спасти каждого, истинно верующего в Тебя и крестившагося во имя Отца и Сына и Духа Святаго! Ведяще же, яко Свет обожающей и спасительной благодати Твоея подается угодным Тебе, молимся ныне пред святою иконою Преображения Твоего, да содействием Духа Твоего Святаго сподобитися и нам дух сокрушенный и сердце чистое предуготовати, яко жертву чистую Тебе, да духовно возрастающе, входа в Царствие Света сподобимся и божественному первообразу Твоему поклонимся, и тамо, во блаженстве вечном пребывающе,  пети Тя,  единаго Бога нашего во веки веков. Аминь.

Тропарь, глас 7

Преобразился еси на горе, Христе Боже, / показавый учеником Твоим славу Твою, якоже можаху: /да возсияет и нам грешным свет Твой присносущный, / молитвами Богородицы, Светодавче, слава Тебе.

 Кондак, глас 7

На горе преобразился еси, /и якоже вмещаху ученицы Твои, славу Твою, Христе Боже, видеша, / да егда Тя узрят распинаема, /страдание убо уразумеют вольное, /мирови же проповедят, /яко Ты еси воистинну Отчее сияние.

Величание

Величаем Тя, Живодавче Христе, /и почитаем пречистыя плоти Твоея /преславное Преображение.

Уставая молитва

 Господи Иисусе Христе, Боже наш, во Свете живый неприступнем, Сияние сый Славы Отчия и Образ Ипостаси Его! Егда прииде исполнение времен, Ты за милосердие неизреченное к падшему роду человеческому Себе умалил еси, зрак раба приял еси, смирил еси Себе, послушлив бысть даже до смерти. Обаче прежде Креста и вольныя страсти Твоея на горе Фаворстей преобразился еси в Божественней Славе Своей пред святыми Твоими ученики и Апостолы, мало скрыв плоти восприятие, да егда Тя узрят распинаема, и смерти предаваема, уразумеют убо страдание Твое вольное и Божество. Даруй же и нам всем, пречистыя Плоти Твоея Преображение празднующим, чистым сердцем и нескверными умы взыти на Святую гору Твою, в селения святыя славы Твоея, идеже глас чист празднующих, глас несказаннаго радования, да тамо купно с ними лицем к лицу узрим Славу Твою в невечернем дни Царствия Твоего, и со всеми святыми, от века Тебе благоугодившими, прославим Всесвятое имя Твое со Безначальным Твоим Отцем и Пресвятым и Благим и Животворящим Твоим Духом ныне и присно и во веки веков.

Вернуться к списку статей